BBQ, Zombies, Piraten und Soldaten

Geschrieben am 27.05.2007 um 02:42 von Fabio
Ja, wie es paar (ich uf jedefal nid) wüsset isch hüt oder morn oder so de Memorial Day, das isch irgendwie en gedenktag für all soldate wo fürs vaterland im chrieg gstorbe sind, patriotismus und so sache.
s guete dra isch, s hend all frei, dönt all grilliere und s isch de tag wo d badi ufgaht. yippie.
wo da de zämähang isch? isch ja ganz klar. (achtung makaber ^^ ), die soldate wo im meer abgsoffe sind (das sind den wohl eher d marines) für die gaht mer go bade als adenke.
und die wo i explosione oder im füürgfächt umcho sind, dene tuet mer mitem grilliere gedenke. intressant intressant. *grins*

ja, am friitig simmer no is kino gange, pirates 3 go luege. ja was söll mer da no sägä. grottä schlächt xi.
het sich echt nid glohnt de go luege. aber nei, d gina het ja unbedingt welle gah. johnny depp oh johnny depp. isch ja scho en guete schauspieler, het aber echt scho besseri rolle gha.
ich wär lieber de 28 Weeks go luege. so n horrorfilm mit zombies und allem drum und dra. oder ebe nüme dra. igitt :D
gaht so drum, dass emale im erschte teil en virus usbroche isch in london und die ganz insle befalle het. uf jedefall so nach 28täg hend sich die erschte chönd rette oder sind grettet worde. und jetzt irgendwie, 28 wuche später isch de virus komplett elimiert worde (oder ebe au nöd...) und mer fangt wieder ah, london z bevölkere. und ja wies nid anderscht chan cho, bricht de virus doch wieder us. aso de erschti teil isch hammer geil xi, hoffentli wird de zweiti teil au wieder so geil. und wenn au d story shitty isch, so gseht mer doch immer wieder mal gern es paar zombies umelaufe.
Chamer nur hoffe das es no gnueg iMacs het befor sie hunger uf richtigi hirnis hend.
*grins*
Kommentare
Manuela am 28.05.2007 um 20:40:
Voll de cool blog häsch fabio. viel Spass no i Newyork.
heidi steinmann am 29.05.2007 um 18:06:
fabio bis ä chli aschtändig zu mim gottechind susch chunt dänn sicher so en zombi und frisst dich i chline porziönli uf heidi
Kommentar schreiben
Dein Name:
Deine E-Mail: (wird nicht angezeigt)
Dein Kommentar: