Durchgebrannte Kabel

Hui, isch mer hüt morge ufgfalle, dass s ladekabel vom laptop am schmörele xi isch.
Da es Foti und da no meh.
s kabel isch wükli heiss xi, öpä 15cm vom stecker entfernt isches no warm xi, grad so 5cm abem stecker isches heiss xi, und det womer d dräht gseht hani gar nid welle anelange ^^
au de laptop isch ziemli heiss worde uf de links siite, han etz mal s programm smcFanControl2 installiert, und d lüfter uf volli leischtig gstellt, und luut dem programm wird de mac doch no bis zu 57°C heiss. wobi das s maximum isch wos mal erreicht het, normal ischer "nur" um die 45-50°, was aber immerno ziemli gnueg isch.
ich gah hüt abig den mal in applestore, go luege öb sie mer chönd es neus ladegrät gä, vilicht isches no unter garantie. wil han schiss das etz no izstecke, weiss nid was da alles passiere chänt, churzschluss, tepich fangt füür, hui :D
arbeite etz grad no uf akku, sind no 40% drine, das sött no lange.
und wenns es nid uf garantie ersetzed wasi aber hoffe au nid so tragisch (ärgerlich aber nid tragisch), wil d aktie sind geschter scho wieder um 3 dollar ufe (vo 118 uf 121$), womit sich die 79$ (was hend die echt für produktionschoschte? 20$) au wieder uszahled. sozägä. aso ja, quasi.
isch doch schomal öpis xi, wo bi ganz vielne d powercords gschmörelet hend. mal hoffe das d verkäufer awiisig hend die ohni gross z frägä z ersetz.