Erste Eindrücke

Am afang mal en längere text. Vom Abflug, über de Flug, zude Landig hi, bis zum erschte besichtige vode Wohnig, zum cruise ide city und anschliessend zum ässä zum poolä.

Aso, am Flughafe züri isch alles schnell gange, altlascht isch mer schnell losworde (mami musch nid truurig si aber demit sind ihr gmeint hehe grins), im terminal hemmer eus scho s erschtmal verloffe, usfahrt is terminal E verpasst, und dur d kontrolle isch mer schnell dure cho. ke problem mitem laptop no mit suschtige sache.
im flugi dine isches geil xi. isch so pi mal daumen nid emal d helftli vode plätz bsetzt xi. mir hends voll edel gha, hend 2er sitzreihe für eus allei gha, also ich zwei einzelni sitz und d gina zwei einzelni sitz. s het au no 3er inseli frei gha, aber die hend ken fenschterplatz.
besatzig isch voll easy xi, het zum teil no mit eim gredet, und z ässä hends vorig gha. i han öpä 3 büchse cola trunke, und de food isch no agnähm fein xi.
unterhaltig isch scheisse xi, sind film wie "Streben nach Glück", "Ghost Sam" (oder so), und no irgend eine cho, aber für öpis het mer ja en iPod shuffle (merci sergio).
nachem lande hend d problem agfange, mir hend s einte formular nid usgfüllt gha, und hend bim zoll nomal müsä hinde astah, isch chli länger gange und de walti het halt müssä warte ;) anyway.
de simmer ruckzuck id wohnig gange, euses chline keller apartement, nid sehr gross, aber langet vörig, internet, fernseh, telefon lauft alles tipp topp.
und den simmer scho schnell mal id city go cruise ;) hammer ishc das. eifach hammer. so i Queens (det wohned mer) gsehnd d hüüsli mega herzig us, so richtig vorstadtmässig, und es schmöckt überall mega fein, mal indisch, den sehr süess, und wükli extrem viel grüenflächi und bäum ade strassäränd.
later the day simmer den uf manhatten gange. boah isch das geil xi. de broadway entland fahre richtig südä. hammer bild, e riiesä langi strass, uf beidne siite hochhüüser, und eifach hammer istellig du fahrsch zwüsched dene hochhüüser dure. da gseht genial us.
mir sind den irgend e strass dureglofe, glaubs die 2nd avenue, wo früehner s "rocker und punker viertel" xi isch . het alles so chlini tattooläde, chlini kaffis, und da gseht wükli us wie imne türkische bazaar. chuum bisch zwei schritt wiiter chunt wieder es grosses gebäude, vo starbuck, jenschti lüütlis, voll s läbä. da isch echt unbeschriiblich, wemmer so dur die stadt durelauft.
aso, han es paar föteli gmacht, da mir aber ken guete charte leser debi hend, mussi morn im RadioShak no eine go chaufe gah, nebed me billige wlan router, den wirdi es paar föteli ufelade, und ihr chönd die direkt i dem itrag läsä, oder wenn ihr uf -> Fotogallerien klicket.
die stadt isch de hammer.

verlauf dich nicht in der grossen, grossen stadt! schön, dass ihr gut angekommen seid. dann viel spass bei der erkundungsausflügen und entdeckungsreisen.
looking forward to hearing from you. bye, bye

he alte.
heheh bi jetzt gad per zuefall uf din blog gstosse;)
man echt proffffessionell. geili idee, wird gaanz fett. hoffe du gnüssisch din "urlaub" due der den weni mal mee ziit ha na es paar restaurant& und clubs duregää.ha irgendwo no so e liste..
c ya
joh.

lieber fabio, liebe gina
schön, seid ihr gut in new york angekommen. wie es scheint, habt ihr euch schon gut eingelebt (wlan-router...).
jetzt werd ich «väterlich»: pass auf! wo grosse bauwerke sind, sind auch, je nach standpunkt, grosse abgründe und manchmal auch finstere modernde keller.
machts gut, ihr «wetziker in new york» - bis bald